Segunda edición do concurso de banda deseñada de humor Demo Pequeno. Ata o martes 30 de abril mozos e mozas poden presentar os seus orixinais. A temática do certame este ano é “A revolución tecnolóxica e os cambios que produce no mundo. Poderán presentar unha historia curta de banda deseñada ou tira cómica de xeito individual ou en parellas de guionista e debuxante. Hai dúas categorías: Infantil, para rapazada de 8 a 11 anos, ou Xuvenil, para mozos e mozas de 12 a 16 anos. O fallo do xurado darase a coñecer o luns 20 de maio de 2024, no marco da conmemoración do Día dos Museos. A entrega do premio terá lugar na primeira quincena do mes de xuño. As bases do concurso poden consultarse na web do Concello de Fene, Museo do Humor Xaquín Marín e Demo Editorial.