ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Gumersindo Seixido López naceu en 1922. Daniel Romero López en 1923. Os dous actuaron como enlaces da guerrilla antifranquista na década dos 40. Eran os anos da fame e o réxime actuaba implacable contra todo o que soaba a rebelión. Eles axudaban aos escapados, aos combatientes da liberdade, arriscando a súa vida. Son a testemuña vida da semente de libertade.
Nacín no lugar da Fonte en Limodre, na casa dos meus abós maternos, un fogar marcado pola ausencia dos homes que emigraban a Cuba en busca de oportunidades. Nestes anos faltaban o meu abó, o meu pai e un dos meus tios, os tres emigrados en Cuba, e non tardaría en marchar o máis pequeno dos irmáns da miña nai, de xeito que as duas mulleres quedaríanse soas co recén nacido, que era eu. Estábamos en 1922.
Comeza deste xeito o libro Huellas de amor en la memoria, de Sindo Seixido, presentado onte á tarde na Casa da Cultura de Fene (A Coruña). No acto interviron a editora Loida Martinez e o alcalde de Fene Iván Puentes.
O veciño de Limodre cumpreu xa 87 anos e relata neste volume a súa infancia, adolescencia e xuventude entre Limodre, Maniños, Barallobre e Ferrol. As memorias rematan no ano 1948 cando escapa a Francia. Sindo Seixido anunciou no acto de presentación, que o libro terá continuidade nun novo volume no que relata a súa estancia en Francia e máis en Cuba.