As entidades ecoloxistas e os veciños alegan problemas de contaminación para opoñerse á nova incineradora do Irixo (Ourense). No mesmo sentido se teñen manifestado as Corporacións do Carballiño, Ribadavia e Piñor. Censuran a aposta pola incineración de residuos e reclaman a potenciación da reciclaxe, reutilización e compostaxe. A nova Directiva Marco de Residuos fixa como obxectivo para 2020 que o 50% dos refugallos municipais sexan sometidos a reutilización e reciclado. Segundo ADEGA, as incineradoras emiten dioxinas, furanos, PCBs, metais pesados e outros axentes contaminantes.