ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
O V Encontro de Lavandeiras de Sillobre celebrase o sabado 5 de maio. Unha churrascada ao mediodía; a recreación do lavado pola tarde e un festival folck pola noite son o trípode dunha festa que recoñece un oficio feminino, o das mulleres de Sillobre que lavaban para as familias ferrolás. O programa comenza cunha misa ás 13,00h na honra das lavandeiras. O forte da cita empeza ás 16.30h coa saída en lancha do peirao de Perlío para atravesar
A xente vai caracterizada de época e portando os fardos da roupa que as mulleres xa levaban limpa e traendo de novo a suxa para lavar nas augas do Belelle. Ás 17.30h será o retorno na lancha de Ferrol a Perlío. Alí agarda un carro para transportar as sabas ata Sillobre, un percorrido que se fai a pe.
Dende as 19.30h fáise a recreación do lavado nun lavadoiro detrás do adro da igrexa de Santa Mariña de Sillobre. Os obradoiros artesáns e as actuacións das escolas de Airiños de Fene e do grupo de teatro fánse no mesmo adro da igrexa.
Ao longo do día a Sociedade Agarimo organiza a mantenza da xente, propondo unha churrascada ás 14:00h e unha merenda con liscos e chourizos ás 20,30h. Nos dous casos o prezo é de 10€ e é necesaria a inscripción previa no 630 589 635 ou no propio local de Agarimo.
Un Festival folk con Airiños de Fene e Lenda Ártabra en Agarimo, contra as 22:00 h, porá o colofón ao V Encontro de Lavandeiras de Sillobre.