Entre os que salvaron a vida en Mauthausen, estaba o veciño de Barallobre Juan Jose Casal Chao “Chucho”.  Unha placa lembra o seu nome e as restantes vítimas do campo de concentración de Mauthausen no vestíbulo do IES de Fene.

Segundo o historiador Enrique Barrera, na orixe do nazismo estaba o euxenismo ou euxenexia. A corrente de pensamento pretendía o incremento en número de persoas supostamente máis fortes, sas, intelixentes ou de determinada etnia ou grupo social, presupondo unha relación directa ou lineal entre estes trazos e a xenética. Promovía dificultar a procreación daquelas persoas que non posúen esas calidades, chegando a considerar a súa aplicación como unha vantaxe no aforro de recursos económicos para os países. 

Imaxe: A profesora Carme Llopiz no acto de descuberta da placa en lembranza de Juan José Casal Chao

Fotografía Xan Xe