A aplicación “Aforro no uso iluminación”, permitirá comparar os distintos parámetros eléctricos dos principais sistemas de iluminación. Ademais, calcula o aforro económico e medioambiental asociado ao troco de lámpadas convencionais por lámpadas máis eficientes, e permite extrapolar estes datos a nivel galego e español.

Co programa “Consumo en espera e oculto no fogar” o usuario comprobará os consumos de diferentes aparatos domésticos que quedan incorrectamente apagados. Tamén pode calcular o custe económico e ambiental que supoñen estes consumos na vida cotiá.

A través desta iniciativa, Sotavento pretende amosar a capacidade que ten cada persoa para loitar contra o exceso de consumo e promocionar a necesidade de reducir as emisións contaminantes á atmosfera sen baixar a calidade de vida.

Pero esta no é a única novidade que se incorpora á web. Outra das novidades é a posibilidade de descargar diferentes Publicacións didácticas elaboradas por Sotavento e que están relacionadas coas enerxías renovables e co aforro e eficiencia no uso dos recursos. Tamén se inclúe unha nova área de Formación, desde a que se pode acceder ás propostas formativas da Fundación.

Este é o terceiro ano que a Fundación Sotavento participa neste Día Mundial da Eficiencia Enerxética con distintas actividades destinadas a promover a reflexión sobre os nosos hábitos fronte ao uso sostible e racional da enerxía,