A Explosión de Carrillada de Arrecendo foi a mellor tapa para o xurado profesional e ademais gañou o segundo premio concedido pola clientela. Vanesa Teijeiro estaba moi contenta e non é para menos.

O premio á mellor tapa na votación popular foi para o Taco do Mar servido na Cantina da Asociación Veciñal de Limodre. Foi idea de Natividad Brage. 

O xurado profesional concedeulle o segundo premio á tapa do Amarizaflor, bautizada co nome do local. Nélida Intriago foi quen a creou.

A concelleira de Promoción Económica, Ángeles Coira, destacou a boa acollida que tivo esta decimo sexta edición do certame entre o público. Dan fe do éxito do certame as 2.508 tarxetas de clientes que consumiron tapas e as 225 Fenerrutas recollidas

Ademais da entrega de premios aos gañadores e de diplomas a todos os hostaleiros participantes, no acto sorteáronse numerosos agasallos para a clientela cedidos polas firmas que colaboraron co Concello na organización do certame.