ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Teatro do Atlántico escolle Narón para estrear o seu último traballo artístico, O xogo de Yalta. Afterplay, que se porá en escena durante dous días seguidos, este venres e o sábado. Dirixidos por Xulio Lago e acompañados ao piano por Xavier Constenla, dan vida ás persoaxes Vitoria Pérez, Damián Contreras, María Barcala, Gonzalo M. Uriarte.
O xogo de Yalta. Partindo de "A dama do canciño", un dos máis populares contos de Chéjov, o irlandés Brian Friel constrúe esta sorprendente peza que comeza nunha viaxe de pracer e prosegue nunha baixada ao abismo do complexo mundo amoroso que envolven e convulsionan a unha parella, situándoos nunha difícil encrucillada.
Afterplay. A necesidade de converter en plantación de eucaliptos o que fora unha plantación de cereais e a procura de créditos para subsistir levan a Sónia Serebriakowa a Moscova. Nun humilde café coincide con Andrei Prozorov, violinista de dura biografía, producíndose unha corrente de cómicas e dramáticas confesións das que inevitablemente os espectadores somos partícipes.
Dúas xoias do teatro contemporáneo.