ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
“Coté durme desde esta mañá no cárcere”. Asegúrao Mercedes Milá no seu blog. A xornalista elaborou unha reportaxe na que se deixa ao descuberto os tratementos ilegais do falso médico ferrolán coñecido como Coté. Telecinco emitirá esta reportaxe de “Diario de…” ás doce e media da madrugada.
Segundo moitos dos seus pacientes, José Manuel López Pérez, máis coñecido como Coté, estafou e xogou coa desesperación de moitas persoas, facéndoas crer que estaban enfermas ou medicándoas sen ter o título de medicina. Os afectados crearon a “Asociación de Víctimas de Coté” e puxéronse en contacto co programa “Diario de…” que presenta Mercedes Milá. A xornalista interesouse polo caso e hoxe poderemos ver o resultado final do seu traballo en Telecinco. Milá espera que a raíz desta reportaxe moitos afectados e axudantes do suposto médico uniranse á causa e acusarán a Coté diante da xustiza.
Esta semana houbo dúas novas detencións no caso. Trátase da esteticista da clínica na que supostamente traballaba Coté e dunha médica rusa que daba soporte legal aos volantes expedidos. Tamén esta semana Coté declarou ante a xuíza de Ferrol que se ocupa do caso. Despois de escoitar a súa declaración, na que Coté afirmaba que é licenciado en medicina pola universidade de Sevilla, a xuíza decretou o seu ingreso en prisión. Impútanselle delitos de intrusismo e continuidade de estafa.