Rematado o desfile haberá verbena na Praza da Constitución amenizada polo Grupo Naranja e xa as nove darase a coñecer a resolución do xurado que premiará ás mellores comparsas.

O luns será a xornada adicada aos máis pequenos. Co obxectivo de potenciar as actividades dirixidas aos rapaces desenvolveranse na Praza da Constitución diferentes obradoiros de manualidades, globoflexia, caracterización, música, baile e karaoke.

E xa o martes tal e como ven sendo tradicional nos últimos anos as rúas pecharánse de novo ao tráfico para a celebración do Entroido libre co desfile de disfraces individuais, parellas e grupos e a verbena, a partir das 18.00 horas, amenizada polo Grupo Atalaya.

Xa as 20.00 horas procederase á Queima do Meco, que este ano representa a crise económica mundial. Un meco que está xa pendurado do balcón da casa consistorial e que fai alusión ás caídas sufridas pola bolsa e representa a un banqueiro afectado por esas perdas multimillonarias. O Entroido rematará cunha verbena na Praza da Constitución.

Soutomaior

En Soutomaior as actividades programadas pola concellería de Cultura céntranse na tarde de mañá sábado. O pavillón municipal da Montesiña acollerá durante toda a tarde un baile infantil que estará amenizado polo trío musical “Tres punto com”. A partir das dez a festa prolongarase pero xa para o público adulto coa presenza do grupo “Sevilla”. Tamén mañá sábado haberá cine xuvenil coa proxección ás 20:00 horas da película Camp Rock no multiusos de Arcade.