Torta de queixo do Cebreiro

Torta de queixo do Cebreiro
21 de Maio, 2021 - 09:00 h. | Publicada por Radio Fene

Non é o mesmo unha torta de queixo descoñecido que de queixo como o do Cebreiro.

Seguimos andando o Camiño francés a Compostela con Kukinhas para celebrar a parada no Cebreiro cunha boa sobremesa; a torta de queixo do Cebreiro. Para cociñala precísanse dous iogures naturais. Os vasos de iogur servirannos para as medidas de azucre (dous vasos); dous de nata e dous de leite. Máis dispoñemos de 5 ovos, 200 gr de queixo do Cebreiro e un sobre de fermento.

A preparación non pode ser máis sinxela. Untamos o molde con manteiga e poñemos o forno a prequentar a 200ºC.Batemos todos os ingredientes co batedor e vertemos a masa no molde para enfornar durante uns 50 minutos. Comprobamos que xa está pinchando cun escarbadentes que debe sair completamente limpo. Di Kukinhas que o queixo do Cebreiro dalle á torta un toque tan cremosos que non podemos parar de comer nela.

Cultura

Publica o teu comentario agora