As actividades de ETNOeume botarán a andar ás 11 da mañá e concluirán contra as 20 horas do serán. Durante todo o día haberá feira, mercado de artesanía e antigüidades, exposicións, visitas guidas ao Museo, rutas ecoetnográficas,etc. Amenizarase a feira con actividades como pasarrúas, recreación e demostracións de oficios tradicionais (ferreiro, torneiro, tecelá, afiador, serranchíns), e música (Ce Orquestra Pantasma, cantareiras, gaiteiros, cantares de cego). Ás seis da tarde desenvolverase unha malla tradicional.

Ademais, o evento servirá de marco para a entrega dos Premios de Investigación Ferro Caaveiro que convoca anualmente o Museo Etnográfico da Capela.