O mestre Benigno Vazquez Braña que vive agora en Cospeito, chegou en 1967 a escola de Cabreiros en Xermade e introduciu no mundo da leitura a Xose Manuel Felpeto. Acababa de sair da carreira e tiña moitas gañas de interactuar co alumnado. Alí naceu un lector que logo se transformou nun escritor. A inspiración concreta das Memorias dun porco teixo veu das conversas coa xente maior. As anécdotas que lle contaron están na base do libro. 

A literatura oral mantense como piar fundamental da identidade galega, transformando a tradición transmitida polas persoas maiores en literatura escrita. As Memorias do porco teixo son froito dun traballo de campo baseado na escoita activa e o contacto directo coa veciñanza. Recolle contos e anécdotas ao calor da lareira ou na taberna para homenaxear a sabedoría popular. Leandro Lamas ilustrou a capa e a contracapa do libro. Coñeceronse a través do teatro. Ao velo xa se decatou que era moi boa persoa, "e ademáis é moi pagador" comenta con retranca o deseñador.

Felpeto destaca a súa admiración pola xente maior, descrita como a verdadeira garda do legado cultural e a fonte de coñecemento que inspira a narrativa actual. O libro “Memorias dun porco teixo” busca poñer en valor as experiencias xeracionais que seguen a construír a identidade do país.