Tres falecidos nun accidente de tráfico nas Pontes

Tres falecidos nun accidente de tráfico nas Pontes

10 de Febreiro, 2013 - 12:00 h. | Publicada por Radio Eume

Tres persoas, unha delas un menor, faleceron e outras dúas resultaron feridas, nun accidente de circulación ocorrido este domingo na localidade coruñesa das Pontes.Segundo informou o Servizo de Urxencias Sanitarias 061-Galicia, o suceso ocorreu pasadas as 14.30 horas deste domingo na estrada que une As Pontes con Ortigueira: Chocaron frontalmente dous vehículos minutos despois da caida dunhas fortes precipitacións en forma de saraibas.

   Até o lugar desprazáronse dúas ambulancias asistenciais, unha ambulancia medicalizada e persoal sanitario do Punto de Atención Continuada das Pontes. Como resultado do accidente faleceron un home, unha muller e un menor.

   Así mesmo, resultaron feridos dous homes, de 37 e 35 anos, que foron trasladados polos servizos sanitarios ao Hospital Arquitecto Marcide de Ferrol.

Sociedade
  • 277 lecturas