Xandra, nada en Fene, adestra esta disciplina no Club Sincro Ferrol, o único da comarca que compite a nivel autonómico e nacional. Na tarde do sábado acadou a medalla de bronce no dúo júnior, tanto no técnico coma no libre, xunto á súa compañeira Telma Del Río Pita. Na mañá do domingo, no só júnior, tanto o técnico coma o libre, Xandra, obtivo a medalla de bronce, quedando a tan só oito puntos do segundo posto. Como broche de ouro, xunto ao equipo acrobático júnior tamén obtivo o bronce. A isto engadir o éxito do club Sincro Ferrol que quedou de terceiro na clasificacións por clubs. Estes resultados son o premio a moitos anos de traballo, esforzo, compromiso e dedicación, e  un grande mérito, tendo en conta que adestrou catro meses en piscinas que non teñen profundidade xa que a de Caranza estivo pechada.