O primeiro campo de fútbol de Fene habilitouse na zona da Xunqueira en San Valentin. Joaquin Perez Dominguez,  que fora xogador do Atlético de Madrid, preparou o campo que se inaugurou en xuño de 1920. Semanas despois disputouse no campo un partido entre o Fene Sport club e o Racing de Ferrol. Eran anos de emigración en Fene  pero tamén de retorno. O pai de Joaquin Pérez emigrara a Cuba de onde volveu con cartos e levantou o edificio que actualmente acolle a gasolineira de Fene. Tamén neses primeiros anos do século vinte, os emigrantes de Fene en América xuntaron cartos para erguer as escolas Concepción Arenal de Fene e Curros Enriquez de Maniños. A educación era e posiblemente segue a ser, a chave do progreso.

Na imaxe partido Perlío - Maniños na Copa da ría

Fotografía Xan Xe