Turgalicia en combinación co Xacobeo prepara unha programación potente que realce dende este mesmo ano o Xacobeo 2010. Entre os eventos previstos sobrancea o concerto de Bruce Sprinsteen o 2 de agosto no Monte do Gozo en Santiago de Compostela. Trátase de lanzar a marca Galicia, como sinala o xerente desta empresa pública, Xesús Pereira.

Turgalicia iniciou o seu calendario promocional coa presenza en Fitur, a feira internacional do turismo en Madrid. Unha feira moi dinámica na que Galicia estivo á altura das circunstancias cun stand de calidade que se utilizará tamén para a presenza noutros eventos ao longo do ano.