Barallobre, Sillobre e San Valentín poden presumir de ser as parroquias coas vivendas con decoración máis atractiva durante o Nadal. En Fene está o establecemento que gañou o primeiro concurso de escaparatismo. O Baúl de Bego destacou pola súa orixinalidade.  A concelleira de Promoción Económica avanzou que o ano que vén o Concello valorará a posibilidade de premiar a toda unha comunidade, polo moito que lle gustou ao xurado a decoración do edificio no que vive Mari Carmen Acedo Dopico, quen gañou nas modalidades de portais e de fachadas, balcóns e xanelas. Lorena Breijo González volveu gañar este ano a modalidade de vivendas unifamiliares cunha decoración moi atractiva. O xurado tamén acordou conceder unha mención especial a Ángela Reis Raimunde, de San Valentín, en recoñecemento á tradición, ao esforzo e á singularidade da súa decoración.

Moita festa

A entrega dos premio foi a véspera de Reis, despois da Cabalgata. Uns días antes, puidemos festexar a entrada no ano 2026 entre veciños. O frío non puido coa festa. “Cando cheguei a carpa xa estaba chea”, sinalou a concelleira Ángeles Coira, que destaca o “ambiente san” e a actuación da orquestra “foi espléndida, moi animados”.