O Concello ten previsto incluír unha obra en Magalofes, a segunda parte do camiño que vai do Feal a Magalofes no Plan de Obras e Servizos da Deputación deste ano. Outros fondos irán destinados a gasto corrente. As obras que requiren de permisos doutras administracións serán financiadas directamente polo Concello para evitar o risco de perda de fondos por demora no outorgamento das autorizacións, manifestou o primeiro tenente de alcaldesa e voceiro do BNG, Manuel Polo. Os permisos que máis tardan son os de Adif. Un ano agardou o Concello de Fene para unha das súas autorizacións.

Asuntos do Pleno

A solicitude dos fondos do POS+ da Deputación é un dos asuntos que trata a Corporación municipal deste mes de febreiro. Tamén debaterá dúas mocións do BNG, unha reclamando á Xunta que financie a totalidade do Servizo de Axuda no Fogar (SAF) e outra para que se implique na solución á folga de autobuses.