Un bo ano

Un bo ano
18 de Decembro, 2025 - 05:01 h. | Publicada por Radio Fene

Balance positivo do ano que termina no Concello de Fene a xuízo da voceira de Esquerda Unida e concelleira de Obras, Mari Carmen Martínez. Falou da actualidade política en Radio Fene, onde se mostrou partidaria de apartar dos partidos a calquera persoa denunciada por machismo.

ESCOITA O PODCAST:

“Creo que foi un bo ano, fixéronse moitas cousas”, asegura Mari Carmen Martínez que foi responsable de Medio Ambiente na primeira parte do ano, ata o nomeamento de Sandra Permui como alcaldesa en substitución de Juventino Trigo. Na Concellería de Obras, Mari Carmen Martínez lamenta que o procedemento administrativo e a necesidade de contar con informes favorables de distintas administracións ralenticen a xestión. “Faise difícil explicarlle a xente a dificultade cando levan tempo esperando”, sinala. Entre as prioridades do Concello mencionou as actuacións do camiño da Lagarteira, a reposición dun muro en Perlío, o camiño do Piñal, o saneamento en Sillobre e o aparcamento no cemiterio tamén en Sillobre.

Institucional

Publica o teu comentario agora