Tralas etapas, nunha carpa instalada na Alameda realizouse o sorteo de tres bicicletas cos seus cascos entre os participantes. Un acto de entrega dos premios no que estiveron presentes o Alcalde de Ordes, Manuel Regos, o Concelleiro de Cultura e Deportes, José Ramón Vázquez Raña, a Concelleira de Educación, Mocidade e Discapacidade, Silvia Marín e o Concelleiro de Obras e Urbanismo Roberto González, ademais de representantes dalgunhas das empresas colaboradoras na organización do evento.

A xornada contou ademais con outro tipo de actividades como foron os obradoiros sobre Medio Ambiente que levaron por título "Mobilidade S.O.STIBLE. A ver si me movo - cultura de sustentabilidade, cambio climático e mobilidade sostible”, subvencionados pola Consellería de Medio Ambiente, Territorio e Infraestructuras e  a través dos que se intentou concienciar aos pequenos sobre a maneira de contaminar menos á hora de movernos, así como explicaron algunhas cuestións sobre os medios de transporte que menos contaminan. O concelleiro de Cultura e Deportes, José Ramón Vázquez Raña, calificou a iniciativa de gran éxito, a pesar do temporal de frio que vive a comunidade.