A Jorge Juan é o único colexio de Fene que ofrece servizo de madrugadores as sete e media da mañá. Tamén a recollida tardía, segundo indica a representante da ANPA Maria Torrente.

Xa sairon as listas provisionais nas que non se admitiron a catro familias no colexio Jorge Juan. A inspección de Ferrol indica que irán ao centro marcado como segunda opción ou a outro colexio a criterio da administración. 

Catro alumnos estaban na escola infantil da Jorge. Non poderán continuar en cuarto de infantil para o próximo curso. Eran 20 prazas para 24 solicitudes. Agora demandan a revisión da ratio e a ampliación do número de prazas ofertadas para cuarto de infantil.  É un colexio concertado no que se imparte Educación Infantil de 0 a 3 anos, Primaria e Secundaria Obrigatoria.