A iniciativa forma parte do programa As Pontes Aprende, desenvolvido polo executivo local nos colexios ponteses dende hai varios meses, e que se complementou con distintas excursións, mediante as que se achegou aos escolares aos diferentes espazos naturais cos que conta o municipio, coma as Fervenzas de Somede, o casco histórico ou o lago de Endesa.

Por outra banda, González Formoso tamén deu a coñecer a revista 9 Rutas por As Pontes, unha colección de roteiros e fotografías elaborada a raíz das diferentes excursións protagonizadas polos alumnos dos centros educativos ponteses. A publicación distribuirase, nos vindeiros días, entre os escolares e o tecido asociativo local.