Favorecer o acceso ó traballo. Ese é o principal obxectivo que persegue este curso que se vai impartir en horario de mañás, de 9:00 a 14:00, na Aula do Centro Sociocultural do Concello de Begonte con excepción do venres, que terán lugar na Casa da Cultura.

Para facilitar o camiño cara a inserción social e laboral, os traballadores de Inclusión dispoñen de diferentes recursos, como pode ser os cursos de formación, coma o que ten lugar esta semana en Begonte. Outras ferramentas son as prácticas en empresas ou os cursos con compromiso de contratación. Esta iniciativa ten como principal obxectivo mellorar o perfil persoal e profesional dos asistentes, facendo máis fácil a dura tarefa que supón atopar un posto de traballo.