“O acordo ao que chegamos é un dos grandes logros deste grupo, responde a unha demanda histórica dos veciños e veciñas, conseguimos un cronograma e previsión económica para a revisión do Plan Xeral”, apunta a voceira socialista. “O Plan Urbanístico actual é un dos principais obstáculos para o desenvolvemento do Concello”, opina. Destaca que “o problema da vivenda é unha prioridade para o PSOE en toda España”. 

O PSOE non ten aberto aínda o debate de quen encabezará a candidatura nas eleccións municipais do ano que vén. Si ten opinión clara respecto da moción de censura en Lugo. “Apoiase nas desgrazas que viviu o partido en Lugo, é bochornoso que un partido aproveite esta situación para presentar unha moción de censura”, censura María Ares.