Un equipo primaveral nun partido entretido

Un equipo primaveral nun partido entretido
20 de Xaneiro, 2025 - 10:12 h. | Publicada por Radio Fene

Primeira Futgal. Maniños 1 - 1 Perlío. “O partido non foi áspero senón entretido para o público, co resultado aberto, nós estivemos mellor na primeira metade pero despois do descanso foise equilibrando”, indica o adestrador do Maniños Adrián Martinez. 

ESCOITA O PODCAST:
Fotografia Xan Xe

O Maniños ocupa a cuarta posición da Primeira Futgal con 32 puntos, a cinco do líder o Orillamar. O Cambre é o segundo, empatado a puntos co primeiro. Recibirá ao equipo branco na próxima xornada. 

Un equipo primaveral

“Eles saíron moi fortes, a buscar o partido” sinala o técnico do Perlío Mario López.  O equipo visitante foi crecendo conforme avanzaba o partido como saen as flores na primavera. Empezaron as ocasións e facían dano ata que chegou o gol do empate, da autoría de Xabi Riobó no minuto 88. O Perlío ocupa a undécima posición na táboa con 23 puntos, cinco por riba dos postos de descenso.

 

Moita chuvia e reparto de puntos no campo do Pote

Fotografía Xan Xe

Deportes

Publica o teu comentario agora