O dia en que á nosa sociedade lle dea igual o que pasa noutros pobos do mundo, ese dia estaremos absolutamente perdidos, para un dos autores do libro Xaquín Ros.

Por iso, as persoas promotoras do COSAL promoveron durante dúas décadas, un traballo solidario, profundo e constante. Grazas á sensibilidade e conciencia da poboación, todo ese labor fíxose na comarca de Ferrolterra, segundo un dos participantes Antón Blanco. Anxo Ferreiro lembrou ao alcalde de Fene Xosé María Rivera Arnoso e ao crego de Barallobre Elias Seoane. Dúas persoas colaboradoras como moitas outras que despertaron diante da opresión que sufría América Latina.

O volume recolle a experiencia do COSAL organizando actividades solidarias para divulgar a situación de América Latina e recabar solidariedade. Inclúese tamén a realización en 1985 dun programa divulgativo en Radio Fene. O libro preséntase este xoves ás oito da tarde na Casa da Cultura de Fene.