O obxectivo destas noites é prestar apoio social aos colectivos en risco que lles permitan ter alternativas de ocio en espazos libres de consumo de alcol. As actividades irán encamiñadas a fomentar o uso axeitado do tempo libre, as relacións interpersoais equilibradas, a resolución de conflictos e a mellora de autoestima, sendo o eixo transversal o rexeitamento ao abuso do alcol. Distribuiranse en tres sesións nocturnas, as noites dos sábados 7, 14 e 21 de maio, en horario de 21:30 a 00:30 horas da noite no pavillón municipal do Paraíso.

Algunhas das actividades previstas son: obradoiros de grafitti, de Fimo e de maxia; rocódromo, elaboración de cócteles sen alcol, xogo de xeocaptura, karaoke, misión imposible, etcétera.

A última noite está aberta a participación de pais, nais e persoas que conviven cos/as mozos/as participantes. Ofrécese esta opción para que os membros da familia poidan vivir unha experiencia enriquecedora compartindo momentos de ocio saudable.

Para participar en todas as actividades é necesaria a inscrición previa. A participación é gratuíta.  

Para a inscrición ou máis información os interesados poden dirixirse á Concellería de Servizos Sociais do Concello de Ordes, ou ben chamar aos teléfonos 981 680 002 / 627 983 619.