Un mariñeiro faleceu esta madrugada tras naufragar un pesqueiro fronte á costa de Portosín no concello de Porto do Son (A Coruña), accidente no que os outros dous tripulantes do barco foron rescatados, informaron fontes de Salvamento Marítimo. O suceso produciuse sobre as 03.15 horas da madrugada, cando o pesqueiro "Furacán" envorcou nun momento de forte vento preto da costa. Dous dos tres tripulantes do barco foron rescatados por outras embarcacións que faenaban na zona. O patrón do barco desapareceu nun primeiro momento, pero arredor das 8,30 da mañá o seu corpo foi avistado e rescatado polo dispositivo de emerxencia desplegado na zona.