Eugenia Sanmartín dirixe o podcast “Lobos doentes” con guión de Antonio Tizón a partir da novela do mesmo nome que publicará Xerais en xaneiro de 2023. Participan máis de vinte actores e actrices. Para o roteiro, organizado por Son Radiofusión, xa están todas as prazas cubertas. Tizón utiliza o xénero da novela negra para tratar diferentes perspectivas das enfermidades mentais. O policía Pereiro investiga a aparición dun cadáver ao pé da Torre de Hércules. Por escenarios da Cidade Vella como a Praza da Fariña, o xardín de San Carlos e a casa na que viviu Rosalía de Castro desfilan personaxes tendo con telón de fondo a impunidade do poder fronte ao crime e a confusión entre loucura e maldade. O podcast Lobos doentes preséntase mañá sábado nunha camiñada que comezará na Libraría Berbiriana da Cidade Vella da Coruña.

Na imaxe, Eugenia Sanmartín. Fotografía de Xan Xe