A pesar de todas as contrariedades ás que tivo que enfrentarse o Cultural Maniños feminino, as do Pote empataron no campo das primeiras clasificadas, o Galicia de Caranza. En empate a uns acabou o encontro que o técnico Carlos Gómez califica de "partidazo" das súas xogadoras. O técnico encontrouse con que non podía contar con catro xogadoras, ben por razóns laborais ou por lesión. Cris embarcaba ese dia pero vestiuse para xogar 15 minutos. "Puxeron todo da súa parte" afirma o técnico do Maniños.

Na primeira parte gozaron de varias ocasións pero o balón non foi quen de entrar. Antes do descanso marcou o Caranza. A segunda parte foi máis igualada e Rebe puxo o gol da igualada. O próximo domingo ás 11 da mañá, o Cultural Maniños recibe ao Eume.