Coas aportacións de EU elíminase o proxecto de construcción dun gran edificio de baixo e dez andares e resdistribuirase esa edificabilidade ao longo de toda a parcela. Tamén se garante a utilidade da coñecida como “Casa do Coronel”. Froito desta cooperación acádase unha mellor ordenación do maior espazo expedito de Ferrol xunto coa Praza de España, segundo o concelleiro de Urbanismo, Ángel Mato. Ademais sinalou que se converterá nun gran parque urbano en pleno corazón da cidade, un xardín público de lecer e esparcemento.

Por outra banda, a voceira de EU, Yolanda Díaz, indicou que, se trata dunha parcela que xera esperanza e ilusión. Neste espazo só se construirán vivendas dun máximo de sete plantas máis baixo, que non superen os 23 metros de altura. O vindeiro paso para levar adiante o proxecto de Sánchez Aguilera será o seu visto bo no pleno a finais de mes.