Un reto histórico

Un reto histórico
29 de Xullo, 2025 - 12:10 h. | Publicada por Radio Fene

O Cultural Maniños contratou a un preparador físico para intensificar os adestramentos de cara a Preferente Futgal. O sorteo do calendario realízase mañá mércores coincidindo coa asemblea da Federación Galega de Fútbol. A Liga comezará o sete de setembro. O técnico Adrián Martínez dirixirá a “nave” branca nun fito histórico para o clube de Maniños. Jaime Urbano e Brais Santalla reforzarán ao equipo, pero ainda se precisan outros dous novos xogadores. 

ESCOITA O PODCAST:

O directivo do Cultural Maniños Alfredo Fernández fala dos retos do clube na tempada 2025-2026:

https://redefusion-eu.us.stackstaging.com/audio/280725FERNANDEZ.mp3

Fotografía Xan Xe

O Lalín, Sofán, San Tirso, Negreira e Pol son os equipos máis potentes a priori. Os adestramentos empezan mañá mércores e iniciarán a pretempada en Meirás. O Maniños tamén disputará o Trofeo Concello de Fene o sábado 9 de agosto no campo do Ramo de Barallobre. Perlío, Maniños e Barallobre enfrontaranse nunha cita triangular que xa está sinalada cun punto bermello no calendario.  O sábado 16 de agosto no campo do Pote, Maniños - Imperator, un partido de homenaxe ao presidente do club coruñés recentemente fallecido Juan Vilamisar

Equipo feminino

.Xurxo Rodriguez encargarase de preparar o equipo feminino contando como auxiliar con Lucia Seoane. “Temos fechados xa 12 equipos e 250 licenzas nas categorias de base pero ainda hai marxe para algún equipo máis en fútbol oito” indica o directivo do Maniños Alfredo Fernández.

 

Imaxe: Fotografía Xan Xe

 

Deportes
  • 860 lecturas

Publica o teu comentario agora