Grazas a esta iniciativa, durante todo o mes de febreiro, en calquera destes locais hostaleiros poderase degustar o xantar típico do Antroido galego, o lacón con grelos. Nun ano marcado pola escaseza desta hortaliza debido ás condicións meteorolóxicas, Agroalimentaria do Eume ofrece a posibilidade de mercar grelos da zona a través da súa páxina web www.agroalimentariadoeume.org.

Asemade teñen preparado lotes deste produto con destino aos emigrantes para que poidan saborear os grelos nestas datas. Aredor de 20 euros custa a ración aínda que varía segundo o establecemento. Somentes no restaurante Andarubel situado na estrada que une Ombre con Caaveiro, a carón do Centro de Recepción de Visitantes do Parque Natural das Fragas do Eume, e  en Casa Teresa de As Pontes hai que chamar con antelación.

O éxito que está a ter a iniciativa augura, segundo o técnico de Euroeume, Ángel Lorenzo, a continuidade destas xornadas promocionando outros produtos.