“Un verán diferente” desenvolverase en dúas quincenas, do 1 ao 16 e do 19 ao 30 de xullo, de luns a venres (días laborais) e en horario, de 8:00 a 14:00 horas, aínda que se establecen dúas posibles quendas de incorporación á actividade: “Madrugas”, de 08:00 a 10:00 h. (poderán incorporarse en frecuencias de media hora ao longo desta franxa horaria) e “Xogamos no exterior”, de 10:00 a 14:00 h (Terán que incorporarse ás 10:00 h e saír ás 14:00 h)  Por limitacións de aforo, organizarase o campamento en dúas quendas quincenais cun máximo de 40 prazas por quenda. Ademais, para favorecer a participación só se poderá participar nunha delas. E como únicos requisitos, o Concello de Fene establece se deberá estar empadroado en Fene como mínimo dende o 2 de maio de 2021 ou estar  matriculado nalgún centro de ensino do termo municipal no curso escolar 2020/2021.
/////////As familias interesadas en apuntarse en “Un verán diferente” deberán realizar a preinscrición desde as 9.00 horas do 1 de xuño até as 14.00 horas do 4 de xuño, preferentemente por vía telemática, a través da sede electrónica, https://sede.fene.gal/, ou do Rexistro Electrónico Común,  https://rec.redsara.es/registro/action/are/acceso.do. Excepcionalmente, tamén poderán facer a preinscrición presencial aínda que, para acollerse a esta modalidade, haberá que solicitar cita previa no teléfono 981 340 366 e acudir o día e a hora que se asigne provisto de máscara de protección facial.
Segundo informa a Concellería de Cultura de Fene, neste campamento a matriculación non se rexerá por orde de inscrición. Estableceranse criterios  familiares e laborais para a adxudicación das prazas coma o número de  menores de 12 anos, número de fillos/as con discapacidade ou falta de  dispoñibilidade dos proxenitores ou representantes legais dos menores para atender persoalmente a rapazada durante o horario da actividade. No caso de empate, priorizarase a quen teña irmáns matriculados/as na actividade e, en última instancia, de manterse o empate, resolverase por orde alfabética do primeiro apelido.
A matriculación en “Un verán diferente” só se poderá facer unha vez confirmada a praza -o 8 de xuño publicarase a lista de admisións na páxina web municipal-. Nesta fase de matriculación, que se prolongará do 10 ao 17 de xuño, as familias deberán achegar a documentación especificada nas
bases do programa: ficha de datos, ficha médica, informe médico (de ser preciso), declaración de autorizacións, fotografía, xustificante de pagamento da cota, copia da tarxeta sanitaria e declaración responsable a respecto da Covid-19. Tamén neste caso, a achega de documentación realizarase preferentemente por vía telemática aínda que, excepcionalmente, permitirase a matriculación presencial (do 14 ao 17 de xuño) con cita previa.
O custe da actividade ascenderá a 34 € para o primeiro membro da unidade familiar e a 18 € a partir do segundo membro da unidade familiar. Ademais, en situación de escasa capacidade económica, “as tarifas poderán reducirse no 50% e mesmo acceder gratuitamente a esta actividade nos termos sinalados no artigo 4) da Ordenanza fiscal núm. 2”.
Haberá unha reunión previa coas familias participantes en cada quincena e coa empresa organizadora da actividade. As reunións terán lugar na no Salón de Plenos da Casa do Concello o luns 28 de xuño ás 19:00 e 20:15 h para a primeira quincena e o mércores 29 de xuño ás 19:00 e 20:15 h para a segunda quincena. Para máis información sobre o programa cómpre chamar ao Departamento de Cultura e Deportes (tfno. 981 340 366) ou enviar un correo electrónico a cultura.deportes@fene.gal. Tamén se poden consultar as bases completas do programa na web municipal http://www.fene.gal ou solicitar os
folletos que estarán a disposición da veciñanza a partir do 28 de maio na portería da Casa do Concello, Piscina Municipal de Centieiras, Casa da Cultura e pavillón A Xunqueira de San Valentín.