Unha boa enchenta cunha cachucha galega

Unha boa enchenta cunha cachucha galega

21 de Febreiro, 2011 - 12:00 h. | Publicada por Radio Allariz

Por terceiro ano consecutivo, a Asociación Xan de Arzúa colabora na organización do Entroido alaricano coa organización da Cachuchada. O luns 7 de marzo, a partir das 21:30h o Campo da Barreira acollerá este evento no que, por 10€, os participantes poderán degustar un cocido típico galego. Cachucha, lacón, touciño, chourizo, pan e viño, bica e licor compoñen o menú adicado ó Entroido.

Este ano, como novidade, a Asociación Xan de Arzúa quere premiar á asistencia co sorte dun lote de produtos de Entroido por cortesía de varios establecementos da vila.  

Para asistir a este evento é preciso mercar os bonos antes do 5 de marzo, dispoñibles en varios establecementos hostaleiros da vila: Café Roi Xordo, Taberna Os Pacos, Micalla, Bar Novo, Miudiño e A Cova.

Sociedade
  • 216 lecturas