“Hai poucas mulleres e científicos entre os personaxes citados por Castelao e por iso propoñemos ás persoas visitantes unha reflexión sobre a xente importante na historia e na tradición de Galicia” apunta Gago que conclue “é moi importante que a xente se achegue á realidade virtual a través da lingua galega”. Castelao pronunciou o discurso “Alba de gloria” en Buenos Aires o 25 de xullo de 1948. Cúmprense setenta anos dese feito, e o Consello da Cultura Galego conmemorao cunha exposición na que se da vida en tres dimensións á Santa Compaña que describía o dirixente do Partido Galeguista, daquela exiliado en Arxentina. Alba de Gloria, comisariada por Manuel Gago, é unha experiencia con interpretacións dramatizadas, infografías interactivas e material audiovisual. Preséntase un labirinto de figuras a tamaño real, cobrando vida. A tecnoloxía do século vinteun dota de vida ao pensamento nacionalista do século vinte. A persoa visitante da exposición ve pasar ao seu lado á Santa Compaña dos persoeiros cruciais na tradición e na historia de Galicia. Tamén fala cun Castelao reconstruido en tres dimensións. A mostra permanecerá aberta no Panteón de Galegos Ilustres, na igrexa de San Domingos de Bonaval en Santiago de Compostela ata o tres de febreiro.