Fene logrou o ano pasado a calificación do mellor mural do mundo co traballo “A violonchelista de Fene” do muralista Sfhir. Conseguiu o maior número de votos na  plataforma street city arts competindo con murais de cidades de todo o mundo. O artista madrileño utilizou a técnica da anamorfose, para forzar ao espectador a un determinado punto de vista preestablecido, desde o que o elemento cobra unha forma proporcionada e clara. A ilusión óptica permite ver unha determinada imaxe porque a intérprete do violonchelo xoga coas ventás do patio interior do inmoble, que coinciden cos trates do instrumento. A luz fíltrase polos vidros. Quizais ese xogo, influira para lograr o premio. A asociación Perla mural fest organiza a segunda edición do evento contando coa colaboración do Concello de Fene e de numerosos establecementos comerciais. Quere lembrar o cine e a sala de baile Perla de Perlío.

Na imaxe, Rubén Paz Treze Trazos pintando en Fene en 2023

Fotografía Xan Xe