O proxecto RER naceu co obxectivo de reutilizar material que a xente tiraba no punto limpo. Púxose en marcha hai menos dun ano e cada día medra máis. Son moitas as persoas que se achegan ao Polígono de Chorente coa intención de reciclar e moitas tamén as que van na busca de obxectos que precisan e que non teñen que mercar. Utensilios de cociña, electrónica, pezas de electrodomésticos, coches para bebés, antigüidades, téxtiles, máquinas de ximnasio, materiais de construción…Case todo o que podamos precisar atopámolo aquí perfectamente ordenado e clasificado por seccións. Sen ter que pagar nada, tal e como explica Miguel López, en Onda ODS.

Na imaxe, Miguel López (Responsable do proxecto RER) durante a entrevista con Susana Falcón (Radiofusión).