Galeguista, reintegracionista, coruñés. Son tres epítetos que casan con Jenaro Marinhas del Valle, polígrafo comprometido coa cultura e a política de Galicia, a quen se lle rende tributo dende onte á tarde e ata o sábado na cidade herculina.

A Associaçom Galega da Língua organiza un congreso sobre figura de quen fora secretario xeral das Mocidades Galeguistas e continuador dunha tradición familiar inserida na cultura do país. O presidente da AGAL, Alexandre Banhos refería que nesta cita se van a tratar todas as facianas da vida e obra de Marinhas del Valle.

Un dos aspectos máis significativos do pensamento do autor era a defensa da unidade do galego e o portugués. Un pensamento que o promotor do evento comparte plenamente e que consta que ten sobrado fundamento grazas ás probas documentais. Jenaro Marinhas del Valle morreu hai dez anos na Coruña e ata o sábado lémbrase a súa vida e obra.