Ante as continuas queixas presentadas no concello, o responsable de tráfico, Eduardo Reguera decidiu reclamar a Fomento o traspaso de titularidade “xa que o concello conta cunha empresa que se encarga de arranxar as incidencias que se producen nos semáforos, pero non pode reparar o de Cesantes porque a súa titularidade é do Ministerio”.

O semáforo fora instalado en decembro do 2007 para facilitar o acceso dos veciños que procedentes da praia ou da zona baixa de Cesantes querían incorporarse á estrada que comunica Redondela e Pontevedra.

Leds

O feito de que a súa titularidade estea en Fomento impediu ademais ao concello substituir ás lámpadas convencionais por un sistema de leds de baixo consumo. Unha medida que sí se levou a cabo no resto de semáforos do municipio e que permite aforrar un 80% de enerxía e incrementar a seguridade do tráfico xa que ofrecen unha maior visibilidade que os convencionais nos que, cando da o sol non se ve claramente a cor na que están.