O informe da Olaf ten data do 22 de xullo de 2013 e responde á investigación desenvolvida con varias visitas de control durante o ano 2012 a partir dunha denuncia recibida na oficina europea en 2010 "procedente dun empresario español do ámbito da depuración de augas". Aínda que os delitos sinalan á época de xestión de José Luís Baltar á fronte da Deputación, o seu sucesor no cargo e fillo, Manuel Baltar anunciaba esta semana que o informe non é vinculante e que se vai alegar contra el.