Os traballadores da concesionaria Urbaser en Lugo anunciaron que incumprirán os servizos mínimos fixados durante a celebración do Arde Lucus, que foron establecidos dende este xoves no 100 por cento do servizo. Así, os empregados, que se atopan en folga, sacaron os coches á rúa e formaron unha caravana dende a base de Urbaser, atravesando toda a cidade e provocando importantes colapsos sobre todo ao acceder ao centro. O persoal non desbota que co incumprimento dos mínimos se volvan producir despedimentos, dez xa foron despedidos e dous expedientados no inicio do paro o martes.