A Concellería de Deportes informou de que as solicitudes de pretempada realizaranse unicamente para o campo de Fútbol dos Pinares e para o pavillón da Xunqueira. As solicitudes de adestramento da tempada poderán realizarse para o campo de Fútbol dos Pinares, pavillón da Xunqueira e pavillón do Ramo. Deberase comunicar se se solicita pista/campo completo ou terzo de pista/medio campo. No caso de non especificar, entenderase que se solicita pista ou campo completo.

Os clubs que estean interesados deben remitir a relación de horas que soliciten de cada instalación, especificando o equipo (deporte e categoría) que vai utilizar cada hora. As solicitudes deberán presentarse telemáticamente, na sede electrónica do Concello de Fene. Máis información na web do Concello de Fene www.fene.gal.