Os sete casos detectados na provincia lucense producíronse despois do pasado verán coincidindo coa agudización da crise económica. Segundo Carlos García, os empresarios desaparecidos marchan deixando aos seus empregados sen cemento ou ladrillo para continuar a actividade e despois non hai maneira de localizalos. Cando a inspección certifica o abandono da obra, convócase un acto de conciliación no que os promotores están a facer “mutis polo foro”. Xa que logo, díctanse autos de extinción para que os obreiros poidan cobrar a prestación por desemprego. Mais UGT láise da tardanza da xustiza en cumprir con este trámite que se prolonga nalgúns casos por espazo de cinco meses, tempo no que os empregados non reciben ningún ingreso. “Están a xogar co pan das familias”, conclúe García que solicita que os empresarios convoquen concursos de acreedores cando non poidan asumir os pagamentos.O caso dos empresarios desaparecidos en Lugo coincide cunha dominación significativa do volume do negocio da construción durante o último ano. Nos últimos doce meses, o número de parados no sector incrementouse arredor do 50 por cento.