O proxecto está subvencionado pola Xunta e pola Unión Europea. A través deste proxecto ofértanse 16 contratos de aprendizaxe para mozas e mozos inscritos no programa de Garantía Xuvenil: 7 para Fene, 3 Ares, 3 Mugardos, 2 Neda e 1 Cabanas. Tamén outras catro temporais para a docencia teórica e práctica do obradoiro.

O proceso selectivo comezou estes días coa solicitude ao Servizo Público de Emprego dun listado de aspirantes que cumpren os requisitos da convocatoria. Pode consultarse na web fene.gal.

Os concellos participantes xa están contactando coas persoas preseleccionadas par que acheguen antes das 23.59h do 19 de agosto a súa solicitude formal para participar nas probas xunto coa documentación acreditativa dos méritos que se han valorar.

O trámite debe facerse no Rexistro Municipal de Fene -con cita previa -, a través da Sede Electrónica ou por calquera das vías previstas na Lei de Procedemento Administrativo Común.

Unha vez recibidas todas as solicitudes publicarase o listado provisional de persoas admitidas e excluídas.