Naceu en Fene pero o seu ámbito de actuación vai máis aló, “queremos chegar a toda a provincia” anunciou a presidenta da recen constituída asociación, Ana López nunha entrevista en Radio Fene. A pandemia agravou a situación da mocidade e adolescencia. “Os problemas son os mesmos, pero cada vez os ten máis xente, depresión, fracaso escolar, soidade, aumentou moito a raíz de 2020”, afirma Ana. “Temos que escoitalos, poñernos na súa pel, que vexan que non están sos”, opina Belén Vilar. “Non se lles escoita como se lles ten que escoitar e por iso non falan”, engade Mar Basoa. Entre os proxectos da asociación, Carmen Vilariño explica que traballan na idea de facer velada con musica e na que poidan falar, porque “os rapaces de hoxe non falan, andan moi perdidos e están moi solos”, apunta.