Á apertura asistiron amizades das creadoras, xente da cultura, veciñanza e membros do Concello. O alcalde, Secundino Garcia Casal, agradeceulles a Da Silva e Romero que elixisen San Sadurniño como primeira parada desta exposición que circulará nos próximos meses por outros puntos da comarca. Garcia Casal tamén falou das boas condicións que ofrece a galería municipal para acoller actividades culturais e exposicións, ademais de destacar a súa función democratizadora das artes plásticas As autoras,trasladaron a súa gratitude ao Concello por terlles facilitado un lugar tan acaído para exhibir a colección. Tamén comentaron como enfrontaron o proceso creativo e as dificultades técnicas que atoparon para combinar cerámica e fibras vexetais nunha mesma obra. A inauguración rematou cun delicado recital de voz e guitarra de Iria e Candela Quintía Romero.

Fotografía César Galdo