“Desde que se fixeron as beiravías da Armada hai vinte anos non se volveu facer nada, leva pedíndose toda a vida e non se fixo nada. O mesmo que as cunetas na estradas de Magalofes”. No espazo as Foxas o voceiro do grupo popular referiuse tamén ás recorrentes inundacións que sofre Fene. “Un tema de moi difícil solución. No seu día fixéronse cousas que hoxe non se permitirían. O soterramento do río diante das "casas verdes" non favoreceu e coa marea chea a solución non é fácil”, opina Gumersindo Galego. En relación coa conmemoración do 25N, o Día contra a violencia sobre as mulleres, destacou que “a educación e a base” e considerou que a declaración institucional aprobada polo Concello ten un pero. ”Faltoume unha referencia á controvertida lei do solo si e si”, sinala. 

Fotografía Xan Xe