“Ao longo de todo o libro se destila un certo cansazo ou unha certa fartura da cháchara intelectual e do balbordo no que vivimos. Eu o que estaba buscando era afastarme un pouco dese mundo e do imperio da linguaxe para buscar dende a vía cotiá determinadas verdades íntimas que funcionasen como asideiros onde un puidese agarrar”, afirma Marcos Lorenzo. Enser é un libro con humor sobrio e un emprego coidadoso da temperatura emocional, e a súa amabilidade é compatible cunha dureza que, máis que un trazo argumental, é una virtude estilística, segundo escribe Pablo Seoane. A rítmica do texto e a música da fala están presentes nesta obra que protagonizará o vindeiro venres o clube de lectura de Radiofusión.

Fotografía: Xan Xe Corral